【加拿大慳電小貼士】你不可不知道的分時段式收電費

因為疫情令大家Work From Home嘅時間多咗，用電量高咗，自然電費都會高啲💰！喺香港可以選擇用節能式家電去減低開支，但喺安省嘅朋友仔仲可以就時段去慳電，夜晚洗衫👕👚👖🩳做家務會平過朝早架！因為安省每逢夏季 (5月) ☀️同冬季 (11月) ❄️都會價格調整，仲會分時段收費，想知多啲就要睇埋落去喇！

喺香港計算電費係分級數，即係隨住用電量增加，每度電就愈嚟愈貴，但喺安省基本上市民都用緊TOU (Time-of-use) 嘅計算方法，即係按時段收費。安省能源局將平日分成3️⃣個時段，分別係Off-peak (非高峰時段) ，Mid-peak (中峰時段) 同埋On-peak (高峰時段)，每個時段嘅價格都唔一樣，而星期六日同假期全日都會係Off-peak。

圖片來源：Ontario Solar Installers

以上圖2019年為例，可以見到夏天同冬天喺時段同價格上嘅分別，Mid-peak同On-peak嘅時間喺夏天☀️同冬天❄️會倒轉😲，而呢種定價係希望大家喺On-peak時段盡量減少用電。如果你都好似小編咁精打細算嘅話，記清楚邊個時段先做家務就顯得好重要喇！😆

近年安省政府因為疫情關係為市民提供協助，由1月18日起21日內至2月7日，將電費劃一為每千瓦8.2仙嘅Off-peak，全日24小時都生效，會自動應用喺居民以及小型企業及農場，希望幫補一下市民嘅生活負擔喇！