應對暴風雪前後的5大TIPS - 房屋篇

上星期多倫多突然落咗場暴風雪，啲積雪厚到連門口都出唔到。大家即使留喺屋企好安全，但其實間屋都有唔少地方需要大家多加留意，咁先住得安心！小編就幫大家整合咗應對暴風雪前後嘅5大TIPS，幫嚟緊會去加拿大嘅朋友仔做等功課！

1. 長開暖氣或恆溫器

加拿大落大雪天寒地凍，室內當然開返個暖氣保溫，但如果覺得太暖有啲焗，建議你只係調教下溫度，盡量都唔好開窗。明白大家可能喺香港慣咗手勢都會開小小窗等空氣流通下，但因為加拿大大雪嘅夜晚真係會凍到負廿幾度架！如果喺低溫嘅時

候開窗，有機會屋內溫度太低而令水喉管結冰，甚至爆破，所以建議大家低溫嘅時候都Keep長開暖氣，唔好開窗啦！

2. 可設置加濕器

間屋長開暖氣嘅時候，成個人自然會變得乾燥，建議大家可以放個加濕器平衡返，咁就無咁容易流鼻血喇！不過提提大家如果長期唔開窗而淨係開加濕器，成間屋就會有好多水蒸氣，牆身有機會發霉，所以加濕器都係間中開下好喇！

3. 準備電筒及大量蠟燭

暴風雪有機會導致停電，而停幾耐電亦係未知之數。雖然有時候房屋會設有後備電源，但穩陣起見都係準備多一兩支電筒、大量蠟燭等照明設備，咁就萬無一失喇！

4. 撒鹽

都知道剷雪係住Townhouse或者House嘅朋友仔專有嘅活動，相信落雪前後要撒鹽可能都有聽過。大家可以落雪前喺門口、後院撒定薄薄一層鹽，咁樣可能加快融雪嘅速度～落雪後大家一樣都可以撒鹽，只係落雪前做好準備融雪效果更好。但記得唔係用你廚房果一種鹽，而係用岩鹽 (Rock Salt)，喺各大超市店鋪都有得買架！