你揀啱地方移民嗎?2021年全球最佳國家是...


最近《美國新聞與世界報導》(U.S. News & World Report) 發佈了《2021年全球最佳國家排行榜》,今次調查報吿對全球78個國家按照生活質量、教育、種族平等及經濟等76個不同的評選指標進行評估。


今次的排名當中,加拿大在生活質量及社會目標中兩項組別中均取得第一名,而在營商環境及靈活性中亦獲得第三的排名,總體而言令加拿大擊倒過往幾年排名第一的瑞士,首次成為整體排名第一的國家。讓我們一齊了解下加拿大的優勝之處!



一講起加拿大,香港人的第一印象就係好凍同好悶。同香港五光十色、多姿多彩的生活相比,加拿大自然相對會遜色,就例如多倫多的商店多數都只係營業到晚上八點,部分商店在假日甚至可能會關門休息,但香港晚上的街道係愈夜愈熱鬧。如似簡單的一個分別,你又有冇唸過背後文化差異的因素呢?


早前一篇報道講述在《2020年工作與生活平衡城市》的排名中,香港成為左全球最過度勞累城市,而最近香港有統計指出,香港人平均每週工時的中位數係44小時。(報章來源:shorturl.at/svwAD ) 但小編點解覺得好似唔至甘少嘅......🧐 其實只係香港人早受社會風氣所影響,習慣咗為工作而奔波,可能連假日都覆緊WhatsApp,遺忘咗「真正嘅生活」。而加拿大係生活質量上排名第一就顯示左工作唔代表一切。


加拿大人每週的標準工時係40小時,聽落同香港相差唔遠,但如果要OT的話,法例規定所有加拿大公司要出薪金的1.5倍作為加班費,所以都唔鼓吹員工加班。如果香港都可以甘樣計算既話,相信有唔少打工仔都會紛紛讚成。撇除法例上規管,其實在加拿大人眼中,最重要的係工作過後與家人相聚👨‍👩‍👦,或者假日期間相約三五知己一齊把酒談歡就已經足夠,真真正正做到work life balance。


加拿大是一個文化共融的地方,建立左一個包容開放的文化環境;在關心人權的環境下,各人擁有著平等的機會,塑造左一個良性的就業競爭市場,令到經濟發展穩定。由此可見,加拿大在多方面下共同營造一個安全、平等及優質的居住環境,令到市民可以安心、舒適地享受生活。


以上的資料都係只供參考,係選擇移民之前,揀選地方固然重要。但正如之前的文章提及過「移民不是搬屋」,自身嘅條件、適應能力同心態上的調節等等的因素亦同等重要。


了解更多加拿大排名資訊: https://www.usnews.com/news/best-countries/canada#country-ranking-details



229 次查看0 則留言
# 熱門標籤
最新文章