移民事前準備你要知！加拿大行業百花齊放

「要做醫生、律師先有出息」、「細個唔讀書，大個做運輸」呢啲傳統思想已經OUT左架啦！香港人由細到大都被灌輸要人工高先係所謂嘅事業有成，儲到錢買樓就係所謂嘅人生贏家。慢慢就會盲目跟風甘追求所謂「理想」的生活，為左買樓、生活就變左做打工奴隸，所以香港人先會唔捨得到放棄香港所擁有嘅一切。但移民係米真係代表要放棄香港的「高薪厚職」？移左民之後就會搵唔到工唔可以維生？呢啲都係香港人的通病，唔好再俾呢啲思想框住自己啦！

香港著重金融、零售及旅遊行業，每日營營役役嘅香港人都有個錯覺，只有呢啲行業先可以為生，擔心去到加拿大搵唔到工。但其實加拿大除咗以上提到行業外，工作種類其實非常之多，人才需求量高，唔同工種待遇亦唔會好似香港咁懸殊。雖然有可能要轉換工作跑道，但亦可以襯呢個機會發展自己理想，或者係香港未必俾到機會你發揮嘅行業，想移民嘅你可以再次考慮其他可能性。所以不厭其煩咁再講，去得外國生活，就盡量開放自己眼界，同埋多了解當地文化。