加拿大會有新硬幣流通 去加拿大變返舊時香港買嘢要用「仙」
加拿大推出新的彩色硬幣
加拿大皇家鑄幣廠喺2021年9月22日（星期三）公布咗加拿大會有全新200萬個彩色同100萬個無色嘅1蚊硬幣流通市面，彩色硬幣會以紅色顯示麋鹿皮聚集地圖嘅標誌，而呢個新硬幣係為紀念「克朗代克淘金熱潮」（Klondike Gold Rush）125週年而設計，而簡單嘅一枚硬幣背後卻隱藏住一個重要嘅史故事。
原來喺125年前，有探礦者聲稱喺育空地區嘅克朗代克（Klondike, Yukon）發現黃金。消息四處傳播之後，吸引咗成千上萬嘅人湧入育空地區，影響咗原本喺育空地區上居住咗數千年嘅土著人民，改變咗佢哋傳統生活方式同文化，令當地嘅土著人民造成咗巨大損失，史稱為「克朗代克淘金熱潮」（Klondike Gold Rush）。
它唔單止係一個硬幣，同時讓大眾了解縱使「克朗代克淘金熱潮」改變咗育空地區嘅發展同整個加拿大嘅經濟，亦紀載著呢段時期對育空原住民嘅深遠影響。
想了解更多新貨幣背後嘅故事，可以到訪加拿大皇家鑄幣局官網：
加拿大硬幣
打算移居加拿大嘅你，如果唔認識加拿大貨幣，俾錢買嘢果陣就可能揦手唔成勢！
加拿大普遍嘅物價會去到小數點後兩個位，即係變返以前香港嘅貨幣單位「仙」（cent）。加拿大硬幣一共有7種，但現時市面常見嘅貨幣有5種，包括5¢、10¢、25¢、$1同$2，所有硬幣正面都有伊麗莎白二世女王嘅側面頭像，但背面就各有不同，下列就為大家逐個介紹一下。
凑整（Rounding）
由於1¢（$0.01）自2013年起已經停止發行並且唔通行使用，所以依家買嘢俾錢嘅金額金都會凑整為5¢（$0.05）嘅尾數，但凑整方法就有別於香港人慣用嘅四拾五入。如果金額尾數係1, 2, 6, 7，就會捨去（Round Down），而尾數係3, 4, 8, 9，就會進位（Round Up），但如果你係用信用卡等電子消費就唔會出現rounding嘅情況。睇完都一頭霧水？睇睇下面個圖表就會一清二楚架啦！
