top of page

OWP申請你絕不能錯過的細節 (最新更新)

剛剛於2月6日加拿大移民部局長宣佈,決定延長港人救生艇計劃中開放式工作簽證(OWP)申請期限以及放寬申請條件,意味著有更多香港人可以在加拿大追求自己的職業目標,並獲得長達3年的寶貴工作經驗。OWP有效期最長可達3年,合資格嘅朋友仔就盡快申請,千祈唔好錯失呢個接駁行Stream B拎PR最簡單直接嘅方法。


Q&A:OWP申請最新改動

原定今年2月7日截止申請的開放式工作簽證 (Open Work Permit, 簡稱OWP) 現延長兩年期限至2025年2月7日,並且將學歷要求由過去5年內畢業放寬至過去10年內畢業,即代表更多香港人可以受惠申請OWP啦!



Q&A:申請加拿大OWP步驟全紀錄

對於每個人嚟講移居到🇨🇦海外生活永遠唔係一件容易嘅事,踏出咗第一步開始申請,當中包括好多繁瑣文件📂需要遞交俾移民局去進行審批,為方便大家可以趕喺OWP申請截止前清楚每個步驟,我哋整合咗由零開始到成功攞到OWP 嘅流程俾大家參考~


當你遞交申請後,加拿大移民局至少需要7至14個工作天去審核你嘅OWP申請,審核完收到信件後你先可以去預約做身體檢查同打指模架!



Q&A: OWP等於Stream B?

有唔少人將OWP同Stream B兩者混淆咗!今次等小編教大家分清楚啦!


OWP係指開放式工作簽證(Open Work Permit),屬於加拿大其中一種臨時居留簽證。如果你拎到OWP,就可以以臨時居留身份 (Temporary resident status) 合法地喺加拿大工作,有效期限就視乎你嘅簽證所列明嘅日子,而OWP最長可以為期三年。


Stream B(工作途徑)係一項獲取加拿大永久居留權(PR)嘅途徑,主要申請資格需要喺加拿大3年內最少有1年全職嘅工作經驗/ 3年內兼職工作累積至少1560小時。


大部分人容易將兩者混為一談係因為申請OWP可以銜接Stream B途徑,係一個拎PR最簡單直接嘅方法。只要你喺2026年8月31日之前符合申請資格,就可以利用Stream B申請PR。



Q&A:申請OWP一定要有學歷認證(ECA)嗎?

心郁郁想移居加拿大嘅你考慮成點呢? 今次加拿大政府推出嘅救生艇計劃實在係千載難逢嘅機會,合資格又未申請嘅你分分鐘會趕唔切申請?


如果你係拎住5年內Associate/ Bachelor’s Degree、/ Master/ Doctoral嘅學歷,咁就恭喜你!因為現階段申請OWP係可以豁免提供學歷認證(ECA),但如果你係持有Diploma (最少為期2年) 就一定需要提供ECA啦!其實官方亦都有機會向Degree學歷申請者要求提供ECA,而且ECA報告的有效期為5年,未來又可以幫助到申請PR,有時間就不妨做埋佢!


提提大家,大家最常用嘅認證機構係World Education Services(WES),而WES 學歷認證申請平均需時3-4個星期,所以真係有機會趕唔切申請OWP架!


Q&A:需唔需要係加拿大搵到工先可以申請OWP?

自從推出咗「港人救生艇計劃」之後,唔少人都想利用OWP去行Stream B,希望以最快方法拎到加拿大PR,但係填form嗰陣又有個位係Employment contract喎?唔通要係加拿大搵到工先可以申請到OWP?


答案是唔需要架!申請OWP係唔需要持有加拿大job offer,你只要填好所需文件,等加拿大移民局批咗OWP,入境之後先開始搵工都得。仲有拎住OWP喺搵工嘅時候係無任何限制,任何工種都可以選擇,OWP倒數最後6日截止大家快啲去申請啦!


Q&A:申請OWP成功就代表一定有3年工作期限?

大家已經陸續前往加拿大🇨🇦,手持OWP開始工作,但亦有個別例子落地之後批唔足3年OWP?點解呢?🧐


大家成功申請OWP後,會收到移民局發出入境通知信(POE Letter),你需要喺POE Letter上嘅入境有效期前抵達加拿大,而一般會批發最長3年入境有效期。你入境果陣記得離開機場之前去移民局辦公室出示返POE Letter,就可以領取正式OWP。你嘅OWP期限會由你入境當日開始計算⏳,最長可以獲批3年。但若果你嘅護照有效日期不足3年或移民局持有其他理據,你嘅OWP係有機會批唔足3年架!😨


Q&A:POE Letter 是什麼?入境領取正式OWP必備文件?

千祈唔好以為申請OWP成功之後就會直接收到簽證,可以慢慢準備去加拿大。大家好容易將POE Letter同正式簽證混淆咗!其實兩者又有咩分別呢?


不論你喺境外所申請嘅Study Permit/Open Work Permit獲批之後,從IRCC所收到嘅一封確認信並不等於你嘅簽證,而係一封入境通知信(POE Letter)。POE Letter,全名為port of entry (POE) letter of introduction,有時亦會叫correspondence letter/ introduction letter/ introductory letter。通知信上面會列明你最遲入境時間,一般都會批發最長3年有效期,而你需要喺入境有效期前抵達加拿大並去移民局辦公室出示POE Letter領取一份正式簽證。建議大家最好將呢份POE Letter印埋出嚟,連同其他所需文件去領取正式簽證,咁就萬無一失啦!



Stream A/B Q&A:IELTS要考到幾多分先夠資格申請?

有興趣移居加拿大嘅你,都知道救生艇計劃Stream A/B入面需要申請人證明其英語能力達到🇨🇦加拿大語言標準(Canadian Language Benchmarks,簡稱CLB)5分嘅要求,而普遍大家都會透過IELTS General Training考試獲得📖閱讀4分、✍🏻寫作5分、👂🏻聆聽5分及🗣️口語5分去達到申請要求。


大家要謹記一點係IELTS 成績嘅總分(overall)並不直接等同CLB分數,而會按讀、寫、聽、說四個範疇獨立去評核。😲 換言之,加拿大移民局會按照IELTS考試四個範疇中最低嘅分數作為評分準則,舉個例子,申請人喺IELTS考試中,閱讀獲得5分、寫作獲得5分、聆聽獲得5分,但口語只得4分,呢個情況申請人就只可以獲得CLB 4級成績。大家如果去考IELTS 記得每個範疇都要盡量做多啲準備工夫,咁到時考試就萬無一失啦!😉其實除左考IELTS,大家仲有另一個選擇叫思培 (CELPIP),同樣係加拿大政府認證嘅英文水平測試。


Stream A/B Q&A:IELTS考試應該考邊個先岩?

如果大家有過功課都知道申請加拿大Stream A/B必須要做英語水平測試,而大部分人都會選擇考IELTS,但你又知唔知原來IELTS有2種,甘考邊個先有用呢?其實IELTS考試有2種,一個叫IELTS Academic,而一個叫IELTS General Training。


IELTS Academic係學術類型嘅測試,適用需要報讀高等教育課程嘅人,主要想證明申請人擁有足夠嘅英語能力去修讀課程,所以打算行Stream A 嘅朋友仔喺報讀課程嘅時候會被要求提供IELTS Academic成績。而IELTS General Training主要評估一個人喺日常生活環境中嘅英語能力。普遍適用計劃移居到英語國家(例如英國、澳洲、加拿大等)嘅人,目的係證明自己嘅英語能力符合簽證要求,所以大家行Stream A/B打算申請PR果陣就記得去考IELTS General Training。除咗簽證之外,喺英語國家搵工果陣都可能會被僱主要求提供IELTS General Training成績去證明自己係有能力喺果邊工作。


簡單啲就係IELTS Academic主要用嚟報讀課程,而IELTS General Training主要用嚟移民。大家記得要分清楚啦!


標記:

193 次查看0 則留言
# 熱門標籤
最新文章
bottom of page