點解加拿大CS需求量咁高?

加拿大地方咁大,車程來回都要花時間,當地人會習慣性先打電話或者網上聯絡客戶服務中心問清楚,而喺香港只係太方便,有時落鋪可能處理得仲快。加拿大人好多時無論係查詢優惠、售後服務又或者銀行服務等都會先打電話處理,所以對客戶服務員需求咁高。再加上受疫情嘅影響,令到消費模式轉變,大部分人都轉為網上購物,所以大大加重對客戶服務行業嘅需求。



加拿大招聘網站 Indeed最近預測客戶服務員喺2022年依然係高需求嘅職業之一。想知道工資水平?小編教教大家可以去薪酬統計網站Payscale搜尋,而現時客戶服務員喺加拿大平均年薪係41,019加元(約25萬港元),預計高需求量會令薪金有上升嘅趨勢。實際薪金當然因人而異,以上數字只係給大家參考一下。


希望讀者嘗試放開眼界,學習放低用香港嘅條件去判斷外國嘅工種情況。 始終兩地嘅環境、資源等條件各有不同,唔少工種喺香港市場可能唔吃香,但去到加拿大情況可能相反,所以不妨多啲留意各方面嘅資訊,否則分分鐘會錯過大好機會。

54 次查看0 則留言
# 熱門標籤
最新文章