喺加拿大打錯電話隨時被偷偷收費?

打錯電話號碼係人知常情,喺香港打錯電話最多只會收到錄音提醒你「無此用戶」,提你留意番究竟有無打啱電話號碼。但喺加拿大,打錯電話號碼不知不覺可能會用咗收費服務!


以為係免費服務 點知原來要收費?

小編嘅友人喺加拿大曾經試過打錯電話號碼,然後收到一個電話錄音指示,叫佢打去「#2030」,聲稱可以協助你搵返正確嘅電話號碼。當時友人以為係電訊商嘅免費服務,所以就跟足指示打咗去「#2030」,然後就有專人接聽提供正確嘅電話號碼。點知收到賬單發現戶口被扣錢,先知原來係一項收費服務,只要打咗去「#2030」就會收錢!


根據小編地毯式嘅搜索,發現唔少用戶都曾經喺打錯電話嘅情況下收到呢個電話錄音,指示去使用「#2030」服務之後被扣錢!如果想避免遇到額外收費,小編建議大家撥打之前不妨留意清楚電話號碼、唔好隨便回覆或者回撥未知號碼,亦唔好隨便洩露你嘅個人資料例如信用卡號碼等,如果再有疑問就打去自己嘅電訊公司詢問清楚喇!

11 次查看0 則留言
# 熱門標籤
最新文章