同一型號iPhone,加港兩地有分別?

加拿大iPhone唔支援雙實體SIM卡?

由於香港有唔少人都持有2個手機號碼,習慣一個用於工作,而另一個用作私人用途,所以近年喺香港新型號嘅iPhone都設有雙實體SIM卡咁貼心嘅設計。但如果計劃想喺加拿大買iPhone嘅朋友就要留意,因為當地所銷售嘅iPhone係唔支援雙實體SIM卡。雖然當地iPhone冇咗雙實體SIM卡設計,但都有方法令你可以擁有2個電話號碼。海外版雙SIM卡較常用嘅做法係1張實體SIM卡再加1張eSIM卡,咁就可以「一機兩號」啦!eSIM卡係一張虛擬既SIM卡,需要較新型號嘅電話先可以支援。如果想申請加拿大電話號碼eSIM,記得要向當地嘅電訊公司查詢清楚詳情。

香港型號iPhone唔可以喺加拿大維修?

其實雙實體SIM卡嘅設計只限定喺中國大陸、香港、澳門所出售嘅iPhone型號,海外版雙SIM卡就採用SIM卡加eSIM卡形式,而兩者嘅分別可能會引致維修上嘅風險。由於電話型號唔相同,如果你持有香港購買嘅雙實體SIM卡iPhone,喺加拿大有任何損毀需要維修嘅時候,當地未必提供支援更換或者維修服務,有可能需要將電話寄回香港店舖安排維修。為咗減低風險,小編建議使用iPhone嘅朋友仔喺離港前先向Apple客服查詢清楚維修保養嘅程序。再簡單啲可以準備多一部手機,一張SIM卡一部電話,咁就可以Keep住曬啲電話號碼啦!

347 次查看0 則留言
# 熱門標籤
最新文章