🇨🇦加拿大讀書途徑陷阱你要知(二) 👀

唔少人工作咗幾年、甚至十幾年之後,選擇咗讀書途徑去移居加拿大,但想再次重拾書本又係咪你想像中咁簡單呢?除咗時間同金錢嘅考量之外,又有幾多細節需要留意?就等我哋為大家逐一拆解啦!


相信IELTS雅思考試對考慮移居嘅你一定唔感到陌生,但你又清唔清楚IELTS考試原來係分兩種,一個係Academic (學術組別),而另一個係General Training (一般訓練組)。咁應該報邊個先啱自己?萬一報錯咗IELTS考試,唔單止嘥錢嘥時間,仲有機會影響埋申請Deadline!


陷阱:隨便報考一個IELTS考試都可以?

IELTS考試主要分咗兩種,IELTS Academic同IELTS General Training。IELTS Academic係學術類型嘅測試,適用於需要報讀高等教育課程嘅人👩🏻‍🎓,目的係讓教育機構評估申請人係咪擁有同等嘅英語能力去修讀課程。除此之外,某部分嘅專業(例如醫學、護理、會計、工程)亦會要求IELTS Academic成績去進行專業註冊。而IELTS General Training主要評估一個人喺日常生活環境中嘅英語能力。普遍用於計劃移居到英語國家(例如英國、澳洲、加拿大等)嘅人,去證明自己嘅英語能力以符合簽證要求。除咗簽證之外,喺英語國家搵工果陣都可能會被僱主要求提供IELTS General Training成績去證明自己係有能力喺果邊工作。

簡單啲就係一個主要用嚟報讀課程,一個主要用嚟移民。大家記得要分清楚啦!🤗


陷阱:Academic考試內容同General Training一樣?

Academic同General Training考試內容同樣包含Listening 👂🏻(聽力)、Reading📚 (閱讀)、Writing📝 (寫作) 同Speaking 👄(口語) 四個項目。 兩種考試中,聽力同口語嘅考試內容會一樣,但閱讀同寫作部份就會有分別。剛剛已經提過兩種考試嘅主要用途,千祈唔好唸住Academic用嚟讀書所以會容易過General Training。正正相反,Academic同時需要評核考生係咪具備足夠嘅學術知識,考試內容所提及嘅詞彙可能由科學到歷史不等。寫作部分甚至需要證明你分析同描述數據嘅能力,就好似要做一篇迷你版嘅畢業論文咁。😲而General Training考試內容會偏向工作同社交環境層面,會接近電郵、報章、信件等常見用語。


唔同考試會有唔同題目類型,所以記得要溫習返啱嘅考試題目。想知多啲兩種考試嘅內容分別可以參考下列圖表又或者去官網了解一下!


資料來源:加拿大IELTS官網 

額外資訊:申請PR小貼士🌟

無論係打算行Stream A定Stream B,其中一項申請資格係需要證明申請人英語能力達到加拿大語言標準(Canadian Language Benchmarks,簡稱CLB)5分嘅要求。如果想透過IELTS考試,獲得CLB5級成績,至少需要喺IELTS General Training考試中閱讀獲得5分、寫作獲得5.5分、聆聽獲得5.5分同埋口語獲得5.5分。


*移民局會以IELTS考試4個範疇中最低嘅分數作為評分準則:舉例申請人喺IELTS考試中,閱讀獲得5分、寫作獲得5分、聆聽獲得5分,但口語只得4分,呢個情況申請人就只可以獲得CLB的4級成績。

資料來源:加拿大政府官網 

428 次查看0 則留言
# 熱門標籤
最新文章