🇨🇦加拿大讀書途徑陷阱你要知(三) 👀

選擇咗讀書途徑去移居加拿大嘅你,應該都經歷緊不停咁搵學校、揀課程、比較學費等等,但往往會忽略咗申請學簽/申請永居身份時間上嘅細節。就等我哋提醒下大家整個過程究竟要花幾長時間啦!



陷阱:隨時都可以申請學簽,唔需要咁急報讀課程?

港人專屬嘅開放式工作簽證 (Open Work Permit) 申請截止日期係2023年2月7日, 但學生簽證係無申請期限,可以隨時申請。咁樣往往會有個錯覺,好似仲有大把時間可以慢慢去申請,但千祈唔好忘記Stream A (讀書途徑) 嘅申請期限係2026年8月31日,即係話你要喺呢個日子之前拎到你哋嘅畢業證書,再做申請,所以時間上要好好規劃,一個唔小心過咗個Deadline就慘啦!


為方便大家了解申請步驟,小編將整個申請過程分為以下幾個階段,由報讀課程去到攞永久居留卡(PR卡)都列得清清楚楚,等大家可以參考一下。


第一階段:報讀課程

符合收生要求 → 報讀課程 → 等待收生結果 → 獲校方取錄通知

所需時間:約2個月


第二階段:申請學生簽證 (Study Permit)

準備所需文件 → 申請學生簽證 → 等待審批結果 → 提供生物辨識(指紋採集) → 身體檢查 → 學生簽證獲批准

所需時間:約3-4個月


第三階段:入學

入學 → 就讀課程 → 最後學期成績公布 → 申請畢業後工作簽證(PGWP) → 領取畢業證書

所需時間:視乎所報讀課程


第四階段:申請永久居留身份 (Permanent Residency)

準備所需文件 → 申請永久居留身份 → 等待審批結果 → 申請獲批准 → 等待領取PR卡通知書 → 領取PR卡

所需時間:約6-8個月


延伸閱讀: 行OWP/Stream A/Stream B容易遺忘但重要的小事!


按上述嘅時間流程,如果你報讀兩年嘅課程,你需要預留大概3年時間直到攞永久居留身份,而呢個時間線並未計算資料搜集在內,每個人嘅申請時間都會唔同,等侯時間亦有長有短。建議大家愈早做決定,愈快完成申請就可以安心啦!

3,917 次查看0 則留言
# 熱門標籤
最新文章