加拿大流動網絡商邊間好？介紹三大網絡商

相信有唔少人過去加拿大之前，都會想知道比較貼身嘅事項資料，其中一項，當然就係當地嘅流動網絡供應商啦，有咩問題出現，要搵人幫手，都要打到電話上到網先做到，依家就為各位，介紹加拿大 3 大流動網絡供應商，幫你解決通訊問題。

排名不分先後

Rogers Communications

Rogers Communications 可以話係最多人選擇嘅網絡商，佢可以話係數一數二大嘅供應商，覆概率係主要城市都有接近 99%，服務亦在當地有唔錯嘅口碑，費用會較高，但一分錢一分貨，筆者就覺得經常用嘅，用好啲嘅服務，唔會後悔先。

BCE - Bell

BCE 旗下 Bell 公司，在 5G 的覆蓋上，都是加拿大最高的公司之一，服務同Rogers一樣，都係當地有唔錯嘅口碑，費用都係比較高，亦都係一個唔錯嘅選擇。

Telus

Telus mobility 佢哋嘅覆蓋都相當多，雖然 5G 上嘅覆蓋唔夠 Rogers 同埋 Bell，不過 4G 或以下嘅訊號，仍然有超廣嘅覆蓋範圍，所以對於追求穩定使用嘅用戶，Telus mobility 都係一個選擇。

總結：唔好用香港標準作為經驗

加拿大作為全球第二大面積的國家，即使是最大的供應商，仍然有 20-30%地區是沒有網絡覆蓋，不過一般你並不會到這些地方，而你想要知道邊一間公司最適合你，先要了解你想要去嘅地區，會係邊一區活動為主。

正如香港，係黃埔，收得最好更係 3 台啦，室內同地鐵收得最好就 Smartone，加拿大亦都係，各大網絡商嘅接收，係唔同地區都係有強弱，筆者以上介紹嘅，就係加拿大平均最好嘅 3 間公司。始終香港因為地少人多，網絡商嘅覆蓋一定做得好過外國，平價台都可以接收得唔錯，到加拿大揀好啲嘅網絡商，落差都唔會太大先。