你對上次寫聖誕卡係幾時呢?

小編對上一次寫聖誕卡已經係讀書時期,通常讀書果陣先會成班同學互相寫聖誕卡,諗起都覺得好懷念!😊 下圖中嘅店舖係小編多倫多嘅同事行街經過見到,發現原來當地仲有咁傳統嘅禮品店,專賣各種節日卡同精品。見到櫥窗展示住各種聖誕擺設,好似提示大家要開始準備迎接聖誕節啦!



🇨🇦加拿大聖誕節會透過手寫卡祝福親友?

之前提到大家可以寫信俾聖誕老人🎅🏻之外,部分加拿大人都仲有保持寫聖誕卡俾親友嘅節日傳統!好多家庭會親手寫或自製賀卡送俾身邊嘅家人同朋友👨‍👩‍👧‍👦,甚至會著上聖誕服飾去慶祝呢個大型節日。喺依家網路盛行嘅年代,好難得仲有咁大間專賣節日卡、禮品嘅店舖,好似提醒大家唔好忘記傳統手寫卡嘅心意 。相反喺香港,專賣節日卡嘅舖頭少之又少,大多數人都只會選擇喺群組打一句「聖誕節快樂!」或者用一個Sticker去代表祝福。


始終手寫卡可以令收到聖誕卡嘅親友更感受到你嘅祝福,所以如果喺加拿大見到呢類舖頭,不妨買張聖誕卡,寄俾身邊嘅親友或者香港嘅朋友,等大家都可以感受到喺加拿大嘅節日氣氛!

9 次查看0 則留言
# 熱門標籤
最新文章