【 交通慳錢小貼士】多倫多居民必備的Presto Card

大家初抵埗少不免要搭交通工具🚌🚎🚃🚄,四圍熟悉一下環境路線,喺大多倫多地區搭交通工具就一定要認識Presto Card,今次小編想教大家一個交通慳錢小貼士,帶大家認識TTC、GO Transit,幫大家暢遊成個大多倫多地區。🤩


Presto Card

大部份人去安省多數會逗留喺大多倫多地區 (Greater Toronto Area,GTA),而Presto Card就係你搭交通工具嘅好幫手,類似香港嘅八達通卡(Presto Card只可以用喺公共交通層面,並唔可以用喺日常購物上)。Presto Card可以喺地鐵站或機場購買,啱曬一落地就要搭交通工具嘅你!🚄🚌🚃🚎 你可以選擇購買適合自己嘅月票、PASS、又或者自己增值。Presto Card仲有手機App方便你隨時查看餘額、使用紀錄、增值。


貼士 1 : Presto Card適用於多個交通系統

GTA入面每個城市都有各自的交通運輸系統,例如 Toronto Transit Commission (TTC) 負責City of Toronto、miWay 負責Mississauga、York Region Transit (YRT) 負責 York Region 等等,而GO Transit係安省跨城市嘅交通系統,服務範圍涵蓋咗整個金馬蹄地區 (Golden Horseshoe) 。單單一張Presto Card就已經覆蓋咗11個城市/地區嘅交通網絡🤩,當你擁有一張Presto Card,就可以減少每次跨城市買車飛嘅麻煩,由Hamilton到Durham都冇問題啦!


貼士 2 : TTC免費2小時轉乘、使用次數越多節扣愈多

準備去多倫多嘅朋友仔要特別留意👀!如果你利用Presto Card坐TTC嘅交通工具,不論地鐵或巴士或Streetcar、車程距離長或短,你只需要俾一程車費就可以2小時之內無限制免費轉乘。😍 想要更優惠嘅方法可以選擇買月票,一個月任搭唔嬲。Presto Card仲會幫你紀錄低你嘅交通紀錄,只要每個月乘搭交通次數越多,Presto Card就會以折扣價幫你扣減車錢,幫你自動慳錢。


貼士 3 : GO Transit 各項新優惠🚄

由今年3月14日開始,利用Presto Card乘坐GO Transit嘅朋友仔可以享有各項嘅優惠。


1. 免費轉乘

你利用Presto Card乘坐GO Transit可以免費轉乘其他 12 個城市/地區嘅交通網絡,當中包括有Mi-Way、York Region Transit、 Oakville Transit等等,但記得多倫多市嘅TTC 並唔包括在內。如果需要跨區返工,少數怕長計,咁樣真心可以慳到唔少車錢架!😎


2. 青少年及大專學生可享折扣優惠

現時將學生票價嘅年齡資格擴大到所有13至19歲嘅乘客,更多學生可以受惠。另外,不論年齡大小,所有全日制大專學生都有資格享有40%折扣票價。準備去多倫多讀書嘅朋友仔就可以把握機會坐多啲GO Transit啦!


3. 皮爾區 (Peel Region) 試驗計劃

GO Transit在皮爾區 (Peel Region) 進利試驗計劃,讓低收入乘客坐GO Transit時可以報銷一半Presto Card成人車票嘅費用。



21 次查看0 則留言
# 熱門標籤
最新文章