【小編實測!寄件懶人包】香港郵政寄國際包裹去加拿大全紀錄

知道大家移居都有唔少行李🧳要運去加拿大,更加唔想一抽二褦咁搭飛機,所以有唔少朋友仔同小編一樣,只有少量包裹需要郵寄就會選擇穩陣可靠嘅香港郵政(Hong Kong Post)。大家唔洗怕郵寄過程複雜,因為貼心嘅小編幫大家紀錄曬整個郵寄過程🤗,等大家可以step by step跟住做,夠曬清楚👍🏻!下面內文仲有郵寄小貼士💡,快啲睇埋落下啦!



Step 1 :

小編建議大家可以先去郵局官網,預算一下所需運費,睇清楚有咩違禁品唔可以運過去。

👉郵費計算傳送門:https://www.hongkongpost.hk/tc/postage_calculator/index.html#



Step 2 :

大家pack箱嘅時候,可以選擇自備紙箱又或者去郵局買標準嘅萬用箱📦。如果大家自備紙箱嘅話,記得紙箱長度以 1.5米為限,而長度及周長合計以3米為限。如果想簡單方便嘅話,可以去郵局買標準嘅萬用箱,最大size係M4箱,最多可以承重30KG。

💡Tips: 想去郵局買萬用箱最好去之前打電話問一問存貨量!仲有記得要選用較硬正嘅紙箱,因為小編收到包裹嘅時候發現都有少量嘅凹痕。



Step 3 :

大家寄件前,每一個包裹都要✍🏻填寫一張郵寄表格同時報關,如果去開郵局買萬用箱都可以順便拎埋返屋企慢慢填。

大家記得要填好曬下列所需資料:寄件人電話及地址、收件人電話及地址(記得寫埋當地郵政編號)、郵寄物品數量及價值、簽署。

💡Tips:大家記得要如實報關!如果係個人物品,建議大家可以用used/ old/ personal/ no commercial use等字眼表示為私人物品。



Step 4 :

小編得一個包裹,所以選擇喺附近推車仔去郵局,但如果有好幾箱就建議大家call車啦!

💡Tips:如果怕包裹超重,大家可以到郵局磅完重先封箱。



Step 5 :

最後小編嘅包裹📦重11.3KG左右,運費大概約$750。大家記得要keep好張收據或者影低相keep record,因為收據上面有包裹嘅郵寄編號。



Step 6 :

大家可以去郵局官網用郵寄編號追蹤住你件包裹運送過程,一般🛳️運送都需時大概3-4個月。咁好彩小編嘅包裹就大概用左70日左右(2個月多少少)就收到啦!



Step 7 :

小編喺加拿大住Condo,小編嘅大廈管理處會幫手收件放入locker,再放條鎖匙🔑入信箱等小編自己攞。每棟大廈嘅收件安排都有機會唔一樣,大家可以預早問清楚。



Step 8 :

小編嘅包裹係搵香港朋友仔幫手寄,但如果大家想離港前已經寄定去加拿大住所,建議大家千祈唔好將運送時間計到岩岩好!唔好出發前兩個月就同時寄包裹,因為如果包裹喺當地郵局冇人收件,會有機會將包裹寄返香港架!



【超實用連結】


各地郵費計算:

https://www.hongkongpost.hk/tc/postage_calculator/index.html#

違禁品 / 受限制之貨物詳情:

https://www.hongkongpost.hk/tc/prohibited_restricted_items/index.html


99 次查看0 則留言
# 熱門標籤
最新文章