【去加拿大前必睇】申請文件前要分清Service Canada同Service Ontario

準備去加拿大安省(Ontario)嘅朋友仔,首要任務當然係處理當地嘅身份證明文件,所以有兩個地方你一定要知道,分別係Service Canada(加拿大服務處)同Service Ontario(安大略省服務處)。呢兩個辦事處不單止可以申請各類重要文件,仲可以申請福利同埋揾工。小編下列就會為大家簡單介紹一下相關嘅支援服務,等大家可以去加拿大之前預先做定功課,到埗後就暢通無阻,仲有記得預先到官網睇清楚各區辦事處嘅開放時間同地點呀!


Service Canada (加拿大服務處)

由加拿大就業及社會發展部 (Employment and Social Development Canada, ESDC)運營,主要負責加拿大政府服務及福利以及與工作相關嘅公眾事務,下列為大家簡單介紹幾項:

支援服務

知多一點點

​申請社會保險號碼

(Social Insurance Number, SIN)

​如果你想享有加拿大政府所提供嘅服務同福利,就必需申請SIN;而且你喺銀行開戶、置業等都需要用到,另外SIN 都會記錄你嘅信用評級,直接影響未來信用記錄有關嘅項目申請,例如申請信用卡或貸款等

申請護照

正常程序下,一般需要至少兩星期辦理護照

​申請就業保險福利和休假(Employment Insurance benefits and leave)

保障病假福利、產假同侍產假、海外工幹福利等等

搵工作

Job Bank係一個就業平台,類似香港勞工處,有各行各業嘅工作,例如醫療、建築、零售同飲食等等

如果你想再了解多啲,可以瀏覽以下Service Canada嘅官網: https://www.canada.ca/en/employment-social-development/corporate/portfolio/service-canada.html




Service Ontario (安大略省服務處)

係加拿大安大略省政府及消費者服務廳轄下嘅各個辦事處,主要為安省嘅居民提供與生活日常相關嘅證件或牌照等服務(例如車牌、安省醫療卡、出生證明等),下列為大家簡單介紹幾項:

支援服務

知多一點點

申請安大略省醫療卡 (Ontario Health Card)

你必需持有安省醫療卡 (Ontario Health Card) 才可享有當地醫療福利

申請安省照片卡

(Ontario Photo Card)

「安省照片卡」同「安省駕駛執照」均可於當地作為有效嘅身份證明文件,但注意不能同時擁有此兩張證件,如你持有「安省駕駛執照」,就必需放棄「安省照片卡」

將外地駕駛執照直接轉換為安省駕駛執照

​只有一間位於多倫多市中心嘅ServiceOntario Bay and College可以預約申請轉換,或可選擇到Drive Test Centre處理

更新駕駛執照

安大略省駕駛執照有效期為 5 年,你可以選擇網上或親身到ServiceOntario更新

更改地址

在更改地址後,規定需要6日內更新駕駛執照及車輛許可證(Vehicle Permit),以及30日內更新安省醫療卡

領取出生、結婚與死亡證明

新生嬰兒需要於出生30日內到安省政府註冊;領取以上證明需約15個工作天

如果你想再了解多啲,可以瀏覽以下Service Ontario嘅官網:

https://www.ontario.ca/page/serviceontario



【延伸閱讀】【小編實測!寄件懶人包】香港郵政寄國際包裹去加拿大全紀錄


【延伸閱讀】必睇懶人包! 移居加拿大前準備清單


【延伸閱讀】加拿大圖書證係落地好幫手?



25 次查看0 則留言
# 熱門標籤
最新文章