【加拿大Stream A留學必知】College同University有咩分別?

心思思想去加拿大讀書📚但咁多學校又唔知點揀好?喺香港升學往往會習慣專注某幾間大學搵心水課程,但喺加拿大學校嘅教育體系同香港唔同,而加拿大嘅College同University課程內容上係有分別,想搵合適嘅課程就要睇清楚學校嘅分類啦!如果你打算經救生艇計劃過去加拿大讀書嘅朋友,就一定要繼續睇落去喇!👀


College較著重工作技能和職場訓練👩🏻‍🏫

College會偏向提供技術培訓,會為特定嘅行業提供相關就業技能嘅課堂。香港人較常報名嘅有Seneca College、George Brown College、Humber college等,呢類college就好似香港嘅職業訓練局(VTC)同香港專業教育學院(IVE)一樣,提供較多證書同文憑課程,亦有機會透過做學徒嚟提升工作技能。College嘅班級規模比較細,完成課程所需嘅時間都比較短,通常2-3年左右。


University較著重學術研究📝

University比較著重較學術同專業嘅課程,大多數提供Bachelor Degree、Master、PhD等。比較出名嘅學校有University of Toronto、University of Western Ontario、University of British Columbia等。但入學門檻相對嚟講較高,班級規模亦比較大,完成課程所需嘅時間都較長,通常要3-4年。


兩者應該點揀好?🧐

每間院校都有自己嘅一套課堂制度或者風格,例如有部分College會較著重Arts同埋Technology方面,亦有University提供相對專業嘅課程例如法律或者醫學。👩🏻‍⚕️想搵出心水學校就視乎大家會想著重學術研究定係培訓職業技能啦!而預算方面💰,College一年學費大概1萬七千至2萬加幣不等,而University一年大概5萬至7萬加幣不等,當然要視乎你讀嘅課程同學校啦!所以無話揀邊一個比較好,最緊要諗清楚讀書嘅方向,有想讀嘅科就要自己做足功課,睇下各個院校嘅課堂內容,咁就唔怕報錯喇!

80 次查看0 則留言
# 熱門標籤
最新文章