top of page

【加拿大留學生必知】留學生返工時數修改至無限制 到底有咩條件先可以申請?

由 2022 年 11 月 15 日起至 2023 年 12 月 31 日,加拿大移民部長Sean Fraser宣布一項臨時政策 - 喺加拿大攞齊學生簽證 (Study Permit) 同 校外工作簽證 (Off-campus Working Permit) 嘅國際留學生將允許每個禮拜係校外返工超過 20 個鐘,即係工作時數將無限制。但係唔好咁快就以為全部留學生都可以受惠,因為唔係全部人都合資格架!


其實呢項臨時措施主要為緩解加拿大嘅勞動力短缺問題,希望境內超過500,000位符合條件嘅國際留學生會可以短期內填補受疫情所影響嘅短缺問題。呢項臨時措施對加拿大嘅國際留學生係個好消息,因為有好多留學生都會靠兼職去幫補學費同生活費,仲可以攞多啲工作經驗嚟執靚嗰CV。

由而家直至2023 年 12 月 31 日,符合以下三種資格的留學生均可中受益:

  1. 你的學生簽證已經發出

  2. 你的學生簽證已獲批,但尚未抵達加拿大

  3. 你在2022年10月7日之前提交了學習許可申請,正在等待批准


作為加拿大留學生,選擇半工讀係取決於你個人情況。如果你需要經濟上嘅支援,半工讀係一個唔錯嘅選擇,喺加拿大生活嘅學費同生活費都會係一個經濟負擔。有多啲時間去打工去減輕經濟負擔不妨係一個好選擇。另外一個好處係留學生可以更好咁融入加拿大社會。透過打工,留學生可以認識多啲本地人,學習加拿大文化,提高自己嘅英語同埋社交技能,同時擴大自己嘅人脈。然而,如果你嘅學業已經非常繁忙,花太多時間去打工,就會影響佢哋嘅學業。小編建議大家衡量自己嘅能力,好好權衡利弊,合理安排工作同埋學習時間,打工賺取經驗同時又可以兼顧好學業。


26 次查看0 則留言

Comments


# 熱門標籤
最新文章
bottom of page